Moj ma re'vu ...મોજમાં રેવું

 મોજમાં રેવું મોજમાં રેવું,મોજમાં રેવું મોજમાં રેવું રે

અગમ અગોચર અલખ ધણીની ખોજમાં રેવું રે

મોજમાં રેવું મોજમાં રેવું...

સંસાર ખોટો કે સપનું ખોટું સૂઝ પડે નઇ રે,

યુગ વિત્યા ને યુગની પણ જુઓ સદીયુ થઇ ગઇ

મરમી પણ ઇનો મરમ ન જાણે કૌતુક કેવું રે

મોજમાં રેવું મોજમાં રેવું...

ગોતવા જાવ તો મળે નહીં ગોત્યો ગહન ગોવિંદો રે.

ઇ રે હરી ભગતું ને હાથવગો છે પ્રેમ પરખંદો રે

આવા દેવ ને દીવો કે ધૂપ શું દેવો દિલ દઇ દેવું રે મોજમાં રેવું મોજમાં રેવું...

લાયલાગે તોયે બળે નહીં એવા કાળજા કીધા રે

જીવન નથી જંજાળ જીવન જીવવા જેવું રે...

મોજમાં રેવું મોજમાં રેવું...

રામક્રૂપા એને રોજ દિવાળી રંગના ટાણા રે

કામ કરે એની કોઠી એ કોઇ દિ’ ખૂટે ન દાણા રે

કીએ અલગારી કે આળસુ થઇ ભવ આયખું ખોવું રે…મોજમાં રેવું મોજમાં રેવું...